鐵阿叔醉爆鬧西人忍無可忍

ivan_bb

醉爆阿叔鬧西人　忍無可忍

潮州醉漢無端端伸手撩金髮洋漢下巴，終於激起人把火反擊。
http://www.youtube.com/watch?v=OB9-MYBB-DA
      導遊阿珍謾罵內地客紅遍全國後，日前電視台又揭發有班惡影相佬霸佔半山司徒拔道瞭望台，用粗口叫啲冇幫襯嘅內地旅客企歪，唔好阻住做生意，旅發局主席田少叫政府部門加強執法，唔好再令香港出醜。以為呢啲醜陋港人只揀內地旅客嚟蝦，點知西人一樣中招。



近日一段片「港鐵阿叔醉爆鬧西人忍無可忍」喺 YouTube熱播，上載嘅 MrPenny220留言話當日喺美孚上車，就見到有個「潮州醉漢」大聲鬧隔籬位一個金髮西人，對方忍住冇理佢，點知去到長沙灣站時醉漢吐口水，人哋怕咗佢行過對面坐，醉漢跟住企起身，繼續大大聲咁鬧，但就聽唔明佢講乜。
快到太子站時，醉漢無端端伸隻手去拍打對方下巴，西人終於忍唔住起身，一手叉住佢條頸，再㩒低佢喺對面座位，個醉漢呢刻扮死狗，猛叫做乜呀、做乜呀。車廂內其他乘客都嚇咗一大跳，有乘客㩒緊急掣通知車長，到埋太子站時車站職員趕醉漢落車先至平息件事。
講番司徒拔道觀景台，康文署話噚日同相關部門及旅遊業界開會，商討點樣防止旅客喺嗰度受滋擾，而噚日佢哋突擊巡查冇發現，睇嚟啲惡人避風頭唔敢兜生意。
(李八方)

新聞報導員 娛樂最前線

p513ssk6

wow 強大
比我唔忍打左個醉酒佬先

g7777777

我比較留意後面個裸男XD